關於鞋子，有些事情是不容妥協的。

1. 帆船鞋…

一直以來，我都搞不懂帆船鞋的好看之處，我認為只有中年大叔才會穿著。

雖然帆船鞋今年春夏季突然翻生，在歐日美媒體大力催谷下，配合短褲、吊腳褲及捲褲腳的著法，成為今季必備item，但始終帆船鞋是帆船鞋，就算你吹到著左變梁朝偉，甚至識飛都好，都無法改變它的醜性。我唯一見過有人把帆船鞋著得好看的是在威尼斯，好些高大俊美的意大利人，身上穿上polo shirt及短褲，腳踏一雙帆船鞋，一面迎著海風，一面站在小艇上，配合和暖的陽光及醉人美景，整個畫面是最match最啱數的。講左咁耐，試問又有幾多帆船鞋可以配合到高大英俊的意大利水手再加良辰美景呢??? 在香港偶然見到年輕人(潮童)著帆船鞋，不禁會想它怎會變成潮物，而下年你又仲會唔會著…

或許我真的太頑固了…


2. crocs鞋...

不用多說...如果說帆船鞋是醜物...cros的膠鞋更是醜霸...感覺笨拙而噁心...


3. 露趾鞋...包括今季好興的gladiator鞋...

唔關人事...是我唔爭氣...踢波踢到腳趾爛晒...點著都唔好睇...

4. 足/籃球鞋是不可以配出街LOOK...

唔知點解...呢樣野在香港是好普遍的事...好多男子都喜歡用卡其褲或牛仔褲襯足球鞋或籃球鞋...唯一可以著出街襯causal wear的籃球鞋是air jordan 1及2...其他真係sorry...


5. 笨頭皮鞋...

如果你是中年肥大叔...我唔會怪你...但如果你係初出茅廬的年輕小伙子，這是不可被原諒 !!! 皮鞋不一定要尖，但一定不可以是笨 !!! 唔好同我講企得舒服...我見到呢d鞋就唔舒服 !!!